خاېفه علي بنتي من عمها
ياريت محدش يشوفني مچنونة
عندي بنت ١٩ سنة رايحة تالته جامعة علاقتها مع عمها غريبة كل شوية تخرج معاه خصوصا من بعد الاجازة دي يمكن كل يوم أو يوم ويوم لو جه البيت يسلم عليها بالحضن اللي هو ايده تبقي علي بطنها
ولا بيعامل اي بنت في العيلة كده وطول الوقت لو جه سيرتهم يتريق علي شكلهم
ابو بنتي شايفني اني بكره اخواته وبكرهه عيالي فيهم ولما بقوله مينفعش اللي بيحصل خصوصا انه شاب ٢٧ سنه ومش متجوز ومش عايز يتجوز يتجنن عليا ويقولي انتي محتاجة تروحي العباسيه ده عمها وبيعمل كده علشان متعرفش حد من ورانا
وبعد الاجازة كان فبه شاب كويس متقدملها وكلنا وافقنا وهي كانت فرحانة بعد قراءة الفاتحه كان كل شوية ده انا شفت فلانخطيبها بيهزر مع واخدة ويبعتلها اسكرينات ببنات مش كويسة بيتابعهم عريسها علي الانستجرام وفركشنا كل حاجة بسببه وابوها برضو شايف انه خاېف عليها ومش ملاحظ انه كان غيران حتي واحنا بنقرأ الفاتحة كان قاعد كأنه ميتله مېت ويوم ما كنا بنشتري الدهب بعد ما اختارت الشبكة وخلاص قام اشتري ساعة دهب وخلاها ركنت شبكتها وفضلت مبهورة بالساعة وكان موقف محرج جدا
وبرضو كل يوم يجي البيت وعايزة تنزل معاه يتفسحوا حتي ركوبها معاه في عربيته بقيت بضايق منه ومرة اتأخروا جدا لحد بعد الساعة ١٢ كنت كل نص ساعه ارن عليها فيديو كول طول الخروجة لقيناه بيتصل يقول معلش الوقت سرقنا هنبات في شقتي وهجبها بكره وساعتها ابوها وافق لولا اني زعقتلهم كلهم بصوت عالي وقولتله لو مجبتهاش هاجي اخدها لولا جابها اصلا معاه عربية ووصلوا في أقل من نص ساعة وهي بقت متعلقة بيه جدا
اعمل ايه لو كلهم شايفني بخرف وبتخيل من دماغي ومكبره المواضيع
